Jicho la mchezaji latoka akiwa uwanjani

Mchezaji wa mpira wa kikapu nchini New Zealand Akil Mitchell amesema anapata nafuu baada ya jicho lake kutoka alipokuwa uwanjani akicheza.

Mitchell huchezea klabu ya New Zealand Breakers, na alikuwa mjini Auckland kucheza mechi ya NBL ya Australia Alhamisi usiku kisa hicho kilipotokea.

Mchezaji wa timu pinzani aliingiza kimakosa kidole ndani ya tundu la kishimo cha jicho na ghafla jicho lake likatoka nje.

Mchezaji huyo mzaliwa wa Marekani alianguka sakafuni akiwa ametumia mikono yake kufunika jicho lake la kushoto na akakimbizwa hospitalini.

"Kwa viganja vya mkono wangu, nilihisi mboni ya jicho ikiwa nje na kukaa upande mmoja wa uso," aliambia Radio Sport ya New Zealand.

"Bado jicho hilo lilikuwa linaona."

"Nakumbuka nikifikiria, bwana we ... hii ni hali mbaya, lakini nilihisi kwamba lilikuwa jambo la kushangaza na hapo ndipo niliingiwa na wasiwasi kiasi."

Mchezaji huyo wa miaka 24 anasema anakumbuka kusikia mashabiki na wachezaji wake wakiingiwa na wasiwasi.

Alidhani hangeweza kuona tena na kwamba uchezaji wake ulikuwa umefikia kikomo.

"Nilipoingizwa kwenye gari la kubeba wagonjwa walinipa dawa za kupunguza maumivu na matoneo kadha ya dawa yenye chumvi machoni na nikasakia mboni ya jicho ikirudi ndani, jambo ambalo pia lilikuwa la ajabu."

"Najihisi mwenye furaha sana kuweza kufunga na kufungua macho tena, ni jambo la kushangaza."

Baada ya kuruhusiwa kuondoka hospitalini Alhamisi, aliandika kwenye Twitter kwamba "najihisi vyema" na akatumia picha za vibonzo maarufu kama emoji za mboni za jicho.

Mchezaji huyo kutoka jimbo la North Carolina, Marekani anatarajiwa kupona kabisa na huenda akarejea uwanjani kucheza hivi karibuni.

Mourinho: Sita mruhusu Rooney kujiunga ligi ya China

Kocha wa klabu ya Manchester United, Jose Mourinho amefunguka kuwa atamzuia nahodha wa timu hiyo Wayne Rooney endapo atataka kwenda kucheza katika ligi ya China.

Akiongea na waandishi wa habari Alhamisi hii kabla ya mchezo wao wa kombe la ligi dhidi ya Hull City, Mourinho alisema hata yaunga mkono mawazo ya mchezaji huyo endapo akifikiria kujiunga na ligi hiyo ambayo kwa sasa imeonekaa kuwavutia wachezaji wengi kutokana na fedha wanayolipwa nchini humo.

“Hii ni endapo tu mchezaji huyo ataona kuwa ana sababu ya kufanya hivyo na kuamua kuondoka United ni sawa,” amesema Mourinho.

VPL: Yanga levo kubwa, Simba vinara, Stand united ushindi

VINARA wa VPL, Ligi Kuu Vodacom, Simba Leo wameendelea kujichimbia kileleni baada ya kuifunga Mbeya City wakati Mabingwa Watetezi Yanga wakijikusanya kwa ushindi toka kwa Mtibwa Sugar huku Azam FC wakizidi kudidimia baada ya kufungwa na Stand United iliyojizatiti kushangaza na kuwania Ubingwa.
VPL: LIGI KUU VODACOMMatokeo:Jumatano Oktoba 12Mbeya City 0 Simba 2Mwadui FC 2 African Lyon 0Mbao FC 3 Toto Africans 1Maji Maji FC 0 Kagera Sugar 1Stand United 1 Azam FC 0JKT Ruvu 0 Tanzania Prisons 0Yanga 3 Mtibwa Sugar 1
Jijini Dar es Salaam, Uwanja wa Uhuru, Yanga, waliitwanga Mtibwa Sugar Bao 3-1 walipoongoza 1-0 hadi Haftaimu kwa Bao la Mzambia Obrey Chirwa akifunga Bao lake la kwanza kwenye Ligi ambalo alipachika Dakika 1 kabla Haftaimu.Kipindi cha Pili Mtibwa Sugar walisawazisha Dakika ya 63 kupitia Harun Chanongo lakini Simon Msuva akaipa Yanga Bao la Pili Dakika ya 68 na Mzimbabwe Donald Ngoma, aliengizwa kuchukua nafasi ya Obrey Chirwa aliipa Yanga Bao la 3.Huko Sokoine, Mbeya, Bao za Kipindi cha Kwanza za Ibrahim Ajib na Shiza Kichuya ziliipa Simba ushindi wa 2-0.Nao Azam FC, Timu inayofifia vibaya Msimu huu, ilitunguliwa 1-0 na Stand United, Timu inayokuja juu mno na imo kwenye mbio za Ubingwa, kwenye Mechi iliyochezwa huko Kambarage, Shinyanga.Matokeo haya yamewachimbia Simba kileleni wakiwa na Pointi 20 kwa Mechi 8, wakifuata Stand United wenye Pointi 19 kwa Mechi 9, kisha Kagera Sugar wana Pointi 15 kwa Mechi 9 na Yanga wako Nafasi ya 4 wakiwa na Pointi 14 kwa Mechi 7.Mtibwa Sugar ni wa 5 wakiwa na Pointi14 kwa Mechi 9.----------------------------------------------VPLYANGA - Mechi zao:Okt 16 Yanga v Azam FCOkt 19 Toto African v YangaOkt 22 Kagera Sugar v YangaOkt 26 Yanga v JKT RuvuOkt 29 Yanga v Mbao FCSIMBA - Mechi zao:Okt 15 Simba v Kagera SugarOkt 20 Simba v Mbao FCOkt 23 Simba v Toto AfricanOkt 29 Mwadui v SimbaNov 2 Stand United v Simba----------------------------------------VPL: LIGI KUU VODACOMRatiba:Alhamisi Oktoba 13Ruvu Shooting v Ndanda FC.

Chanzo:Sokaintanzania

PSG wapania kutoa €222 m kuinasa saini ya Neymar Jr

Klabu ya Paris Saint-Germany wameamua kupania kumnasa mshambuliaji wa Brcelona Neymar Jr katika kipindi cha dirisha lijalo la usajili wa majira ya kiazi.Mabingwa hao wa Ligue 1 wako tayari kuweka mezani dau la euro milioni 222 kwa ajili ya raia huyo wa Brazil kiasi ambacho kitawafanya wampate kutokana na kipengele cha release clause kilichopo kwenye wake na Barcelona (kwa mujibu wa Goal)Goal wameripoti kwamba, vyanzo vya karibu na mchezji vimethibisha kwamba uhamisho huo ulikaribia kukamilika hadi pale Neymar alipoamua kusaini mkataba mpya na Barcelona.PSG wanatarajia kurudi tena kwa mchezaji huyo mara baada ya msimu huu kukamilika.Deal la kumsaijili Neymar litafanikiwa, nyota huyo atashuhudiwa akilipwa mshahara sawa na ule anaolipwa superstar wa Barcelona Lionel Messi.Mkataba mpya wa Neymar unaomalizika 2021 unathamani ya euro milioni 25 kwa mwaka mbali zaidi na ule wa Messi wenye thamani ya euro milioni 42 kama mshahara wake wa mwaka mzima.Endapo Neymar atahamia Paris, ataungana na ndugu zake Marquinhos, Lucas Moura pamoja na Thiago Silva kwenye mji kuu wa Ufaransa.

Baada ya kuchinja kondoo, Iraq yapata ushindi wa kwanza kufuzu Kombe la Dunia 2018

Hii ni katika harakati za kuhakikisha Iraq inafuzu kucheza fainali za Kombe la Dunia mwaka 2018 zitakazofanyika Urusi.Hadi sasa Iraq bado hiana ponti katika mchakato wa kuwania kufuzu fainali hizo, tayari imepoteza mechi tatu za kwanza.Ilifungwa 2-0 na Australia, ikapoteza tena na Saudi Arabia 2-1 kabla ya kipigo cha 2-1 kutoka kwa Japan.Tsiku ya Jumanne usiku Iraq ilikuwa inarudi tena uwanjani kupambana na Thailand wakiwa kwenye uwanja wao wa nyumbani.Katika juhudi zao kubadilisha muelekeao, timu ya taifa ya Iraq ilirudi katika imani za kiroho na kuamua kutoa sadaka ya kondoo kwa kumchinja hadharani wakitaka Mungu awe upande wao kwenye mechi dhidi ya Thailand.Picha ya tukio la kumchinja kondoo hadharani imeenea kwenye mitandao ya kijamii ikionesha namna sadaka ilivyotolewa.
Mungu amejibu maombi yao, Iraq ikafanikiwa kupata ushindi wao wa kwanza kwenye harakati za kufuzu kucheza fainali za Kombe la Dunia 2018 baada ya kuifunga Thailand kwa magoli 4-0 na kuiacha Thailand ikiburuza mkia kwenye kundi lao ikiwa haina hata pointi moja baada ya kucheza mechi nne na kupoteza michezo yote.

Chanzo: Shaffihdauda

Yanga Vs Mtibwa kesho uwanja wa Uhuru

Ligi Kuu ya Vodacom Tanzania Bara (VPL) inatarajiwa kuendelea kesho Jumatano Oktoba 12, 2016 kwa michezo saba huku ule mchezo kati ya Yanga ya Dar es Salaam dhidi ya Mtibwa Sugar ya Morogoro ukipangwa kufanyika Uwanja wa Uhuru jijini.Kwa mujibu wa Kanuni ya 6 kipendelea cha kwanza, Yanga wametambulisha Uwanja wa Uhuru kama uwanja wa nyumbani kwa sasa baada ya kupeleka maombi Shirikisho la Miguu Tanzania (TFF) ambako baada ya kuyafanyiwa tathimini kwa mujibu kanuni hiyo ya sita, kipengele cha sita, TFF imeiridhia klabu hiyo ya Mtaa wa Jangwani, kutumia uwanja wa Uhuru.

Hatua hiyo inafuatia na Serikali ambaye ndiye mmiliki wa viwanja vya Uhuru na Uwanja Mkuu wa Taifa, kuzuia klabu hiyo pamoja na ya Simba kutumia Uwanja wa Taifa, Dar es Salaam kwa michezo yao ya nyumbani kutokana na vurugu.

Michezo mingine itakayopigwa Jumatano ni kati ya Mbeya City ya Mbeya na Simba ya Dar es Salaam, mechi itakayopigwa kwenye Uwanja wa Sokoine jijini Mbeya; Majimaji itaikaribisha Kagera Sugar kwenye Uwanja wa Majimaji mjini Songea wakati JKT Ruvu itakuwa mwenyeji wa Tanzania Prisons kwenye Uwanja wa Mabatini, Pwani.

Stand United itaikaribisha Azam FC kwenye Uwanja wa CCM Kambarage mjini Shinyanga na katika mkoa huo huo Mwadui itakuwa mwenyeji wa African Lyon kwenye dimba la Mwadui Complex huku timu pinzani za Mwanza ‘Mwanza Derby’ kati ya Mbao na Toto Africans itapigwa Uwanja wa CCM Kirumba jijini humo. Alhamisi Oktoba 13, 2016 Ruvu Shooting itacheza na Ndanda FC kwenye Uwanja wa Mabatini.

TFF yaingilia sakata la Yanga kuikodishwa yamtaka katibu Mkuu aonyeshe mkataba

Baada ya taarifa za Yanga kuingia mkataba wa kuikodisha timu kwa miaka kumi kwa Kampuni ya Yanga Yetu zimezidi kuchukua sura mpya ambapo licha ya baadhi ya wanachama wa klabu hiyo kupinga utaratibu uliotumika, Shirikisho la Soka Tanzania (TFF) nalo limefunguka kuhusu jambo hilo.Akizungumza na waandishi wa habari, Katibu Mkuu wa TFF, Selestine Mwesigwa amezungumza kuhusu mabadiliko ambayo wameyafanya na kusema wao kama TFF bado hawajayatambua mabadiliko hayo na wamemwandikia barua Katibu Mkuu wa Yanga, Baraka Deusdedit ya kumtaka aonyesha mkataba ambao wameingia na kampuni ya Yanga Yetu.“Nimemuandika barua Katibu Mkuu wa Yanga atupe nakala ya mkataba ule (wa Yanga na Kampuni ya Yanga Yetu), ili kama kuna wasiwasi hilo tatizo lishughulikiwe mapema maana hizi klabu niza wanachama, wanaweza kuingia mikataba na wanachama wengine wakaja na mambo mengine,“Tunataka mkataba uwe wazi ili hata klabu zingine zijifunze, kwahiyo Yanga tumewaomba walete copy ya huo mkataba nini kinaazimwa na kipi kinauzwa, klabu itaendeshwaje na baada ya hapo kamati za TFF zitakaa kulijadili jambo hilo, kama itakuwa tofauti na kanuni zetu tutarudi kwao warekebishe mambo ambayo hayapo sawa,” alisema Mwesigwa na kuongeza.“Uendeshwaji lazima ubadilike kuendana na wakati lakini hatutaki mabadiliko yasababishe mvurugano ambao haukuwepo kwa muda mrefu na tumeshapokea barua nyingi za wanachama wa Yanga hadi wazee wamekuja wanasema wanataka kwenda kumwona mkuu wa nchi”Aidha alisema TFF bado inatambua Yanga inasimamiwa na uongozi wa klabu kama ilivyokuwa awali ikiongozwa na Mwenyekiti, Yusuph Manji na kama kutakuwa na jambo la tofauti watatoa taarifa baada ya kujiridhisha mfumo ambao Yanga itakuwa inautumia kukodisha timu kwa Kampuni ya Yanga Yetu.

Source: Dewjiblog.

Machupa aipandisha daraja FC Kilimanjaro kwenye ligi nchini Sweden

Timu inayomilikiwa na watanzania nchini Sweden, FC Kilimanjaro imefanikiwa kupanda daraja kwenye moja ya ligi iliyokuwa ikishiriki nchini humo.Timu hiyo imepiga hatua hadi kufikia kucheza ligi daraja la sita kwa sasa ambayo inatarajiwa kuanza kutimua vumbi mwezi April, mwakani. FC Kilimanjaro imefanikiwa kupanda daraja ikiwa na jumla ya pointi 41 huku ikifuatiwa na timu waliyocheza nayo kwenye mchezo wao wa mwisho Solna FC ambao walifungana bao 1-1 iliyokuwa na pointi 40.Goli la FC Kilimanjaro lilifanikiwa kufungwa na mchezaji wa zamani wa Simba, Athuman Machupa. Timu hiyo ina mchanganyiko ya wachezaji kutoka sehemu mbalimbali akiwemo golikipa Lamin Jowo (Gambia), Mike Obi Otieno (Kenya), Mohammed Pato (Somalia) na Ahmad Zohib (Morocco).Akiongea na Bongo5, kocha mkuu wa timu hiyo Humphrey James amesema, “Pasipo shaka kutokana na mikakati pamoja na mipango tuliyojiwekea bila shaka tutayafikia malengo yetu ya kucheza ligi za juu. Unajua mtu akiangalia namba anajua safari ni ndefu sana ila si hivyo kama tukifanikiwa kupanda kila mwaka kwa kipindi cha miaka minne ina maana tutakuwa katika mfumo wa kulipwa.”Kocha huyo ameongeza kuwa muda uliopo ni mchache sana wanatakiwa kujipanga zaidi ili kuweza kufikia malengo yao.

Yanga waridhia kutumia uwanja wa Uhuru, kukipiga na Mtibwa Oktoba 12

Keshokutwa Jumatano Oktoba 12, 2016 Ligi Kuu ya Vodacom Tanzania Bara (VPL) inatarajiwa kuendelea kwa michezo saba huku ule mchezo kati ya Young Africans ya Dar es Salaam dhidi ya Mtibwa Sugar ya Morogoro ukipangwa kufanyika Uwanja wa Uhuru jijini.Kwa mujibu wa Kanuni ya 6 kipendelea cha kwanza, Young Africans wametambulisha Uwanja wa Uhuru kama uwanja wa nyumbani kwa sasa baada ya kuleta maombi Shirikisho la Miguu Tanzania (TFF) ambako baada ya kuyafanyia tathimini kwa mujibu kanuni hiyo ya sita, kipendelea cha sita, TFF imeiridhia klabu hiyo ya Mtaa wa Jangwani, kutumia uwanja wa Uhuru.Hatua hiyo inafuatia na Serikali – mmiliki wa viwanja vya Uhuru na Uwanja Mkuu wa Taifa, kuzuia klabu hiyo pamoja na ya Simba kutumia Uwanja wa Taifa, Dar es Salaam kwa michezo yao ya nyumbani kutokana na vurugu.Michezo mingine itakayopigwa Jumatano ni kati ya Mbeya City ya Mbeya na Simba ya Dar es Salaam, mechi itakayopigwa kwenye Uwanja wa Sokoine jijini Mbeya; Majimaji itaikaribisha Kagera Sugar kwenye Uwanja wa Majimaji mjini Songea wakati JKT Ruvu itakuwa mwenyeji wa Tanzania Prisons kwenye Uwanja wa Mabatini, Pwani.Stand United itaikaribisha Azam FC kwenye Uwanja wa CCM Kambarage mjini Shinyanga na katika mkoa huo huo Mwadui itakuwa mwenyeji wa African Lyon kwenye dimba la Mwadui Complex huku timu pinzani za Mwanza ‘Mwanza Derby’ kati ya Mbao na Toto Africans itapigwa Uwanja wa CCM Kirumba jijini humo. Alhamisi Oktoba 13, 2016 Ruvu Shooting itacheza na Ndanda FC kwenye Uwanja wa Mabatini.

Rooney kutaraji kukosekana kwenye mechi mkewe hajapenda na katweet kitu!

Jina la nahodha wa timu ya taifa ya England na klabu ya Man United Wayne Rooney linazidi kukaa kwenye headines kila kukicha, Rooney amerudi kwenye headlines kwa mara nyingine tena baada ya mke wake Coleen Rooney kuoneshwa hisia zake za kusikitishwa kuzomewa mmewe katika mchezo dhidi ya Malta.

Rooney kwa sasa anaonekana kukutana na wakati mgumu katika soka lake baada ya kuonekana na kuanza kukosa nafasi ya kuanza kikosi cha kwanza chini ya kocha Jose Mourinho kwa mechi 3 zilizopita, kitendo cha kuzomewa kwa nahodha siku ya Jumamosi katika mchezo dhidi Malta Wembley hakikumfurahisha mkewe Coleen Rooney.

tweet ya mkewe Rooney imekuja leo ikiwa yameanza maneno ya kuwa Rooney atakosekana katika mchezo wa kesho dhidi ya Slovenia.

Mkewe Rooney katweet:-

“Mechi kama ya kesho na una mtoto wa kiume ana miaka sita halafu awepo uwanjani anaangalia baba yake akizomewa, hilo sio sawa kiukweli” 

Kwenye VPL Vigogo wanarejea dimbani wiki hii

VPL, Ligi Kuu Vodacom, itaendelea Jumatano hii na kuwahusisha Vigogo Mabingwa Watetezi Yanga, Vinara wa sasa Simba na Azam FC baada ya kutohusishwa kwa Mechi za Wikiendi hii kutokana na Mechi za Kimataifa.

Jana Timu ya Taifa ya Tanzania ilipangiwa kucheza Mechi ya Kirafiki na Ethiopia huko Addis Ababa lakini Mechi hiyo kufutwa kutokana na sababu za kiusalama za huko Ethiopia.

Jumamosi zilchezwa Mechi 3 za VPL.na Timu ya mkiani Majimaji FC kuambua Pointi 3 za kwanza Msimu huu lakini bado wapo mkiani baada ya kuifunga Mbao FC 1-0.

Mechi nyingine za Juzi zilikuwa Sare ya 0-0 kati ya Ruvu Stars na Mtibwa Sugar na African Lyon kuifunga 1-0 Ndanda FC.

Jumatano Wiki hii zipo Mechi 7 za VPL na Mabingwa Yanga wapo Nyumbani kucheza na Mtibwa Sugar wakati Vinara Simba wapo Ugenini huko Sokoine kuivaa Mbeya City.

Azam FC watakuwa huko Kambarage Shinyanga kucheza na Stand United.

VPL: LIGI KUU VODACOM

Ratiba

Jumatano Oktoba 12

Mbeya City v Simba 

Mwadui FC v African Lyon 

Mbao FC v Toto Africans 

Maji Maji FC v Kagera Sugar 

Yanga v Mtibwa Sugar 

Stand United v Azam FC 

JKT Ruvu v Tanzania Prisons.

Alichokisema Hleb kuhusu Arsenal ya leo

Alexander Hleb ni Mchezaji wa zamani wa Arsenal, yeye anaamini kwamba kikosi cha sasa cha Arsene Wenger kina uwezo wa kubeba mataji matatu kwa mpigo msimu huu.

Arsenal wamekuwa na matokeo mazuri katika michezo ya hivi karibuni, wakiwa na alama mbili pungufu dhidi ya vinara wa EPL,vilevile wakiwa wamejikusanyia alama nne katika michezo miwili kwenye Ligi ya Mabingwa Ulaya.

Na sasa, Hleb ambaye wakati yupo Arsenal hakuwahi kushinda taji lolote anaona ubora wa sasa wa Arsenal ni wa kuchukua mataji matatu msimu huu.

“Naamini Arsenal watashinda mataji matatu msimu hu, ubingwa wa Premier League, Kombe la FA na Ligi ya Mabingwa pia,”Hleb amesema. ” Naiona Arsenal yenye uwezo na ari ya kupambana na kwa hakika nitaisapoti.”

“Mara nyingi Wenger huwa ana matarajio makubwa. Ameweza kuwabakisha wachezaji wake muhimu wote kwa sasa na wanacheza mpira mkubwa mno. Kila mpinzani wao lazima aingiwe na hofu!”.

Tambwe ana haya kwa washambuliaji wa vikosi mbali mbali 255

Mshambuliaji wa Yanga, Amis Tambwe amesema siri ya kuendelea kutikisa nyavu katika michuano ya Ligi Kuu Tanzania Bara bila kushuka, ni kwa vile amekuwa hasikilizi maneno ya mashabiki uwanjani.

Alisema mchezaji yeyote kama anahitaji kufanikiwa na kufanya vizuri katika ligi hiyo hapa nchini hana budi kuziba masikio ya mashabiki na kufanya kile ambacho kimemleta katika timu vinginevyo ni rahisi kupotea.

Tambwe hivi karibuni aliifungia bao timu yake katika mchezo dhidi ya Simba, ingawa inadaiwa kabla ya kufunga aliushika kwa mkono mpira huo.

mchezaji huyo wa zamani wa Simba, alisema anawajua mashabiki wengi wa soka wamekuwa ni wazungumzaji, na kwamba kama angekuwa anawafuatisha angekuwa ameshuka kiwango.

“Siku zote ukitaka kufanikiwa katika Ligi ya Tanzania ni lazima upambane kweli na kuacha kusikiliza maneno ya mashabiki, kwani ukiwafuatisha utaanguka na kupotea kabisa,” alisema.

Tambwe tangu kujiunga na Simba msimu wa mwaka 2013 na msimu uliopita Yanga, amekuwa akizidi kuonesha ubora wake katika kufumania nyavu huku msimu uliopita akiibuka kuwa mfungaji bora.

KOMBE LA DUNIA 2018 - ULAYA: FRANCE 4, HOLLAND 4, BELGIUM 4, RONALDO 4, PORTUGAL 6!

Mechi za Makundi ya Nchi za Ulaya kuwania kucheza Fainali za Kombe la Dunia za huko Russia Mwaka 2018 zimeendelea Ijumaa Usiku na Mabingwa wa Ulaya Portugal kurejea kwenye reli baada ya kupoteza Mechi yao ya kwanza kwa kuitwanga Andorra 6-0 huko Mchezaji Bora Ulaya Cristiano Ronaldo akibandika Bao 4.

ULAYA – KOMBE LA DUNIA 2018

Ijumaa Oktoba 7

KUNDI A

France 4 Bulgaria 1          

Luxembourg 0 Sweden 1            

Netherlands 4 Belarus 1             

KUNDI B

Hungary 2 Switzerland 3            

Latvia 0 Faroe Islands 2             

Portugal 6 Andorra 0                  

KUNDI H

Belgium 4 Bosnia-Herzegovina 0           

Estonia 4 Gibraltar 0                  

Greece 2 Cyprus 0           

Hadi Mapumziko Portugal, waliokuwa kwao, walikuwa mbele 3-0 kwa Bao 2 za Ronaldo, aliekuwa akicheza Mechi yake ya kwanza ya kampeni hii baada kuumia, na jingine kufungwa na Joao Cancelo.

Kipindi cha Pili Ronaldo aliongeza 2 na moja kufungwa na Andre Silva.

Katika Mechi nyingine za Leo France waliifunga Hungary 4-1 kwa Bao za Kevin Gameiro, Bao 2, Antoine Griezmann na Dimitri Payet wakati Hungary walifunga kwa Penati ya Mikail Aleksandrov.

JE WAJUA?

-Ulaya itakuwa na Nafasi 13 kwenye Fainali za Kombe la Dunia za Mwaka 2018 huko Russia

-Washindi wa Makundi 9 watatinga moja kwa moja Fainali za Kombe la Dunia

-Washindi wa Pili 8 wa Makundi watacheza Mechi za Mchujo kupata Washindi Wanne kwenda Fainali za Kombe la Dunia

Nao Netherlands waliichapa Belarus 4-1 na Wafungaji wao walikuwa Quincy Promes, Bao 2, Davy Klaassen na Vincent Janssen wakati Belarus wakipata kupitia Aleksey Rios.

Belgium waliinyuka Bosnia-Herzegovina 4-0 kwa Bao za Emir Saphic, aliejifunga mwenyewe, Eden Hazard, Toby Alderweireld na Romelu Lukaku.

Jumamosi zipo Mechi 9 za Makundi C, E na F ambapo Mabingwa wa Dunia Germany watacheza na Czech Republic katika Kundi C na England kuwa kwao Wembley kucheza na Malta kwenye Kundi F.

ULAYA – KOMBE LA DUNIA 2018

**Mechi zote kuanza Saa 3 Dakika 45 Usiku isipokuwa inapotajwa

Jumamosi Oktoba 8

KUNDI C

1900 Azerbaijan v Norway          

Germany v Czech Republic          

Northern Ireland v San Marino              

KUNDI E

1900 Armenia v Romania            

1900 Montenegro v Kazakhstan            

Poland v Denmark            

KUNDI F

1900 England v Malta                

Scotland v Lithuania         

Slovenia v Slovakia          

Jumapili Oktoba 9

KUNDI D

1900 Wales v Georgia                

Moldova v Republic of Ireland               

Serbia v Austria               

KUNDI G

1900 Israel v Liechtenstein         

Albania v Spain                

Macedonia v Italy            

KUNDI I

1900 Finland v Croatia               

1900 Ukraine v Kosovo              

Iceland v Turkey              

Jumatatu Oktoba 10

KUNDI A

Belarus v Luxembourg                

Netherlands v France                 

Sweden v Bulgaria            

KUNDI B

Andorra v Switzerland              

Faroe Islands v Portugal             

Latvia v Hungary              

KUNDI H

Bosnia-Herzegovina v Cyprus                

Estonia v Greece              

Gibraltar v Belgium           

Jumanne Oktoba 11

KUNDI C

Czech Republic v Azerbaijan                 

Germany v Northern Ireland                 

Norway v San Marino                 

KUNDI E

1900 Kazakhstan v Romania                 

Denmark v Montenegro              

Poland v Armenia             

KUNDI F

Lithuania v Malta             

Slovakia v Scotland          

Slovenia v England.

Kesi ya Neymar sasa ni mahakamani!

Wakati Juzi Neymar akipiga Bao lake la 300 katika maisha yake ya Soka wakati Nchi yake Brazil ikiitwanga Bolivia 5-0 kwenye Mechi ya Kanda ya Marekani ya Kusini kuwania kutinga Fainali za Kombe la Dunia huko Russia Mwaka 2018, huko Spain Waendesha Mashitaka wameitaka Mahakama kumfungulia Mchezaji huyo Mashitaka ya Udanganyifu na Rushwa kuhusu Uhamisho wake wa kutoka Klabu ya Brazil Santos kwenda Barcelona wa Mwaka 2013.

Mbali ya Neymar, wengine ambao wanakabiliwa na Mashitaka hayo ni Baba yake Mzazi pamoja na Rais wa Barcelona, Sandro Rosell, na Rais wa Klabu ya Santos, Odilo Rodrigues.

Mashitaka hayo yanahusishwa na Udanganyifu na Rushwa kwa madai kuwa Fedha halisi za Uhamisho wa Neymar zilifichwa ili kuidhulumu Kampuni ya Brazil, DIS, ambayo pia ilikuwa ikimiliki Haki za Kibiashara za Neymar.

IKUMBUKWE:

-Mwaka 2013, Barcelona walitangaza kuwa Ada ya Uhamisho ya Neymar kutoka Santos ya Brazil kwenda Barcelona ilikuwa Euro Milioni 57.1 huku Euro Milioni 40 akilipwa Neymar na Familia yake na Santos kupokea Euro Milioni 17.1 ambapo kati ya hizo Euro Milioni 6.8 zililipwa kwa Kampuni ya DIS iliyomiliki Asilimia 40 ya Haki za Kibiashara za Neymar

-Madai yakaibuka kuwa Ada halisi ni Euro Milioni 83.

Awali Mahakama huko Spain chini ya Jaji Jose de la Mata iliitupa Kesi hiyo ikidai ni ya Madai na si Uhalifu lakini sasa imeamuliwa ifufuliwe tena baada ya Waendesha Mashitaka kukata Rufaa na kushinda.

Neymar, ambae alipasuliwa Usoni kwenye Mechi ya Jana na Bolivia na kutolewa nje na kubadilishwa, ameruhusiwa kurejea Spain kutoka Kambi ya Brazil kwa sababu haruhusiwi kucheza Mechi yao ya Jumatano Ugenini na Venezuela baada ya kupata Kadi ya Njano iliyompa Kifungo cha Mechi Moja.